இன்று புத்தாண்டு இனிதே மலரட்டும்
அன்பெனும் ஊற்று - ஆறாய் பெருகி
அவனியெங்கும் வளம் செழிக்கட்டும்!
பண்பெனும் காற்று நிதமாய் வீசி
சுவாசத்தை சீராய் இயக்கட்டும்!
அக இருள் நீங்கி அறிவொளி பரவி
அஞ்ஞானம் எங்கும் விலகட்டும்!
சுயநலம் நீங்கி பொதுநலப் பார்வை
பூமியை முழுதும் ஆளட்டும்!
மதம் எனும் மதம் மண்ணோடு மண்ணாகி
தூய ஆன்மீகம் வளரட்டும்!
அடிமை வாழ்வு அறவே நீங்கி
அமைதி எங்கும் நிலவட்டும்!
இயற்கை சீற்றத்தால் இழந்த வாழ்வு
இனிய புத்தாண்டில் மலர்ச்சி அடையட்டும்!
இத்தனை நலமும் தன்னகம் தாங்கி
இன்று புத்தாண்டு இனிதே மலரட்டும்!
- வை. அமுதா
No comments:
Post a Comment